මගේ හෘද‍්‍යාංගම BLOG අඩවිය: Online TV බලන්න FreeZ Online TV මෘදුකාංගය

Sunday, May 16, 2010

Online TV බලන්න FreeZ Online TV මෘදුකාංගය

පද්ධති අවශ්‍යතාවය - Windows 2003, Windows 95, Windows Me, Windows NT, Windows 2000, Windows XP, Windows 98

නැරඹිය හැකි නාලිකා ප්‍රමාණය - 500 අධිකය

No comments:

ප්‍රේමයේ සිහිනය

ප්‍රේමයේ මෘදු තෙපුල් විදිනා
සිහිනයක සැතැපී
සිතැඟි ලස්‌සන සිතක සැතපී
සිතුමිණක සිළු සේ

ඇසින් ඇස ගැවසෙන විරාමය
කල්පයක්‌ නම් කොතෙක්‌ මිහිරිද
පුරා සඳ මත දැනෙන සිසිලස
දැනේ සියොලඟ ඔබට නොම දැන

ඇගේ සියුමැළි සිනිදු සියොලඟ
ජීවිතය නම් කොතෙක්‌ සොදුරුද
හමා එන මද සුළං රළ වුව
පහස දේමැයි නිබඳ දිවි මඟ

අතීතය

ලාහිරු පින්නේ නිල්ල නෙලා
සීතල සුළඟ ඇවිත්
තරුමල් යායට සඳ දිය වැහලා
හැඩවූ වසන්තයත්
කෙතරම් මිහිරිද සොඳුරුද සොඳුරියෙ
පෙර අප දුටුව හැටිත්

සියොළඟ දරනා සෙනෙහස උතුරා
කුළුඳුල් සිත සියවර හැඬුවා
පෙම්බර ඔබ ගැන සිත්හි තබාගෙන
ඔබම පතා පියවර තැබුවා

තුන්සිත් පිවිතුරු විසිතුරු සිහිනෙකි
විෂකුරු මිනිසුන් නොම දුටුවා
ලස්සන ඒ ලොව සමුගෙන ඇති බව
අසරණ ඔබ මා සිත නැතුවා

හීන අරන් ඇ එනවා - නිදි නැති හැම රැය

කතා කරන ඔය ඇස් ලග
හීන හදාගෙන
පෙරුම් පුරන්නද පිපෙන්න
හිත අද්දර පෙම..

සමන්පිච්ච මල් සුවදින්
හිතත් සුවද කර
ජීවිතේම ලගින් ඉන්න
පින් පුරන්නේ මම

තරු වටකර දිල්ලිසෙන සද
සඳ දෙව්දුව අද
හීන අරන් ඇ එනවා
නිදි නැති හැම රැය

පළමු පෙම

ඔබ නොදැක ඉන්නනම්
බැහැ මට - ඇත්ත එහෙම නම්
ඉවසා ඉන්නෙ කොහොම මං
ඔබ තව ඈත්වෙනව නම්

සියපත් පියුම් නොපිපුනත්
ගඟ දිය නගන රැලි හැඩයි
නුඹ ළඟ ඉන්න බැරි වුනත්
කුළුදුල් සිත නුඹේ ළඟයි

නොඉදුල් ඉදුණු ඵල නැතත්
තුරු වැල් සුවඳ මල් දරයි
මා හැර යන්න නුඹ ගියත්
ඔබ හැර යන්න සිත නොදෙයි

ඔබ යන්න ගියත්

ඔබ යන්න ගියත්
යළි එන්න ඇවිත් යන්න
මා ඔබට තරම්
ආදරේ නැහැ මටවත්

සිත පෙල් කළ ලතැවුල් දරා
හරි ආදරෙන් අපි එක්වෙලා
රන් හුයක බැඳී දෑඟිලි හැරදා
ඔබ යන්න ගියේ කෙළෙසේ

ඔබ මා නිසා කඳුළැල් හලා
අපමණ කලක් සිටියා
අඟහිඟ හන්දා විරසක වූදා
ඔබ යන්න ගිහින් හැරදා

පහන නොසැලේ නම් | The Rigid Love

රුවන් තරුවක් යදින අහසකි
අහස ඔබ නම් තරුව මම වෙමි
අඳුරු අහසේ දිලෙමි තනි වී
අඳුර නොමියේ නම්

පහන් සිළුවක් පතන පහනකි
පහන ඔබ නම් පහන් සිල වෙමි
සදා ඔබ ලඟ හිඳිමි නොනිවී
පහන නොසැලේ නම්

නොනිමි සයුරක් සොයන ගඟුලකි
ගඟුල ඔබ නම් සයුර මම වෙමි
බලා හිඳිනෙමි සයුරු තෙර වී
ගඟුල නොසිඳේ නම්

නොකියූ කව | The Unsaid

ඈත සිට ආ සුවඳ ඔබමය
සීත අරණේ සුලඟ ඔබමය
නීල නිලුපුල් මල ද ඔබමය
මසිත දැල්වුන පහන ඔබමය

ඈත සිට විත් සුවඳ දී මට
මටත් රහසෙම දුර ගියා නුඹ
සිසිල පුදදී දැවුනු කතරට
මද සුලඟ වී නික්මුණා නුඹ

මදින් මද විකසිත ව මා සිත
කිසිත් නොකියා මිලින විය නුඹ
උදා ගිර ලා එලිය විහිදන
හිරු ට ඉඩ දී සැඟවුනා නුඹ

මලට හිමි නැති මගේ විල නුඹ | Faith of Love

මලක් සේ ඔබ මා රකින්නට විසල් තුරු විමනේ
කෙම් බිමක් නැති වාලුකාවක තනිව දිවි ගමනේ
නිලෙන් සුදිලෙන විසල් විල් මැද මෙ මල නැත පිපුනේ
මලක් වී මා සදා ඉන්නම් නුඹේ සිත් අරණේ

විලක් නැති කල මලක් නොමියෙද කරයි හිරු සරදම්
මලක් වෙනුවෙන් විලක් වන්නට බිඟු ට නැත ඉවසුම්
විලෙක පිපි හැම පියුම් උඩඟු ව කියයි බස් සැනසුම්
මගේ විල් තෙර මගෙම පමණයි සදා මට නැති නිම්

මගේ විල් තෙර සදා නොසිඳෙයි හිරු ට පවසමි මම්
මලක් වෙමි මම නොමැති මුවරද බිඟු ට පවසමි මම්
නුඹයි දියවර නොනිමි පියුමින් ඇඳී නැති සිතුවම්
මලට හිමි නැති මගේ විල නුඹ සදා මට මනරම්

මටත් හොරෙන් මගේ සිතින්

ගූගල්ට අභියෝග කරමින් සෙවුම් යන්ත්‍රයක්

ගූගල්ට අභියෝග කරමින් නවතම අන්තර්ජාල සෙවුම් යන්ත්‍රයක් දැන් නිපදවා ති‍බේ. ඒ කුයිල්. ජනප්‍රිය අන්තර්ජාල සෙවුම් යන්ත්‍රයක් වන ගූගල්ට අභියෝග කරමින් ‍එළි දක්වා ඇති මේ වෙබ් පිරික්සුම ගූගල්හි සේවය කළ සේවකයන් පිරිසක් විසින්ම එළි දක්වා ඇති ආරංචිය. ඔවුන් පවසන ආකාරයට මෙම වෙබ් සුචියේ බිලියන 120 ක වෙබ් පිටු අන්තර්ගතයක් තිබේලු.
කුයිල් නිර්මාණය කර ඇත්තේත් ගූගල් සෙවුම් යන්ත්‍රයේ නිර්මාණයට හා සමානව වීම මෙහි ඇති තවත් විශේෂත්වයකි. ගූගල් වෙබ් අඩවියේ පසුබිස සුදු පැහැයකින් යුක්ත වන අතර කුයිල් හි එය කළු පැහැයකින් යුක්ත වේ. සංකීර්ණ දැන්වීම් හෝ වෙනයම් දෑ නොමැති වීම මෙහි තවත් විශේෂත්වයකි. සැම අතින්ම ගූගල්ට සමාන පෙනුමක් ලබා දීමට මෙහි නිර්මාණකරුවන් උත්සාහ දරා ඇති බව පෙනේ.

මොකක්ද මේ බ්ලොග් අඩවි?

බ්ලොග් අඩවි කියන්නේ වෙබ් අඩවි වර්ගයක්ම තමයි. නමුත් සාම්ප්‍රදායික වෙබ් අඩවි ක්‍රමයට වඩා හාත්පසින්ම වෙනස්. පුද්ගලික සිතුම් පැතුම් පමණක් නොවෙයි. දාර්ශනික අදහස්, සංගීතය, සාහිත්‍ය මේ හැ‍ම දෙයක්ම අන්තර්ජාලය හරහා ප්‍රචාරණය කරන්න ඉඩ ලැබෙනවා වාගේම, ඒ පිළිබඳව පාඨක ප්‍රතිචාරත් ඉතාමත් ඉක්මනින් ලබාගැනීමට හැකියාව තිබෙනවා. මෙය දෙවෙනි වෙබ් පරම්පරාව තුළ ඉදිරියට පැමිණි ඉතාමත් සුවි‍ශේෂී ලක්ෂණයක්. සාමාන්‍ය සම්ප්‍රදායික පුවත්පතක හෝ විද්‍යුත් මාධ්‍යයක තම නිර්මාණ පළ කරගන්නවාට වඩා ඉතාමත් පහසුවෙන් පුද්ගලික බ්ලොග් අඩවියක් හරහා එය ලොව පුරා ප්‍රචාරණය කරගැනීමට ලැබීමත් සුවිශේෂී ලක්ෂණයක්.

මගේ හෘද‍්‍යාංගම BLOG අඩවිය